لوزوتو دولة اكد حد اقول عنها غامبي جنوب افريقيا، هي دولة ماه اكبيرة مزروكة داخل جمهورية جنوب افريقيا ذيك ال فيها مانديلا وذاك اشي.
لوزوتو هذي فيها ديمقراطية ونظامها برلماني كيفت الدول ال استعمرتها ابريطانيا، وظاهرلي عن النسخ ولنقلابات والطغيان اجو الا من افرانص.
من ليلو ازمين اخلق زرك واشاينو فيه اهل ابلتيك الشرك وعقبو اصطلحو وعاد صاحب المعاردة نائب رئيس الحكومة وش ذاك يمو.
ومن ذ وتالي عاد رئيس الحكومة هامتو تاخنانست وماتل شاد لخبار امع حد، وقالت المعاردة عنو كاع واسعه ذمتو واخفيفه ايدو وقامت وعيطتلو شور دبيتات هامهم اطيحوه، وامنين اعرف عن دبيتات ما امعاه منهم حد قام واوخظ خطاب عنو اراهو جمد الدستور وحل البرلمان وعنو ماه امجمل ش لحد ول انطق ادور يخبطو اعل لكميهة ويفعل فيه لفعايل، وقام املي وقال عنو امنكز كبار اصنادرة كامل.
امنين عاد اعقاب الليل عيط غزواني لوزوتو لصنادرتو وقال لهم يغمزو ذاك المخلوق.
طاحو اصنادرة اعل ال فلوزوتو من ابليس ومصغارو وكلعو منهم التعمار ولمدافع واتخطاو شور بازب لوزوتو ال امفخره المخلوق ال عندهم، وفتحو مكزيناتها وما خلاو عندها اعماره ولا مدفع، ورجعو اصنادرة لكاراتهم.
امنين اعلم المخلوق بلمرده كيل كرعيه وما اصبح ماه عند اهل يعقوب زوما في جنوب افريقيا وقال عن اوعدل اعليه انقلاب.
جمعت رجليه من الدول وخرصو قالول انت ما معدل اعليك انقلاب، وقامو حركو سلك لغزواني لوزوتو قالهم انا مان ساميه الا اقلعت منو ذاك السلاح ال كان بالكو وماه امخليه يسامع اللغ امع حد.
المهم ارجع مخلوق لوزوتو لدولتو واعاد اعيدل من ش وعدل للمعاردة ذاك ال ادور كامل ورد دبيتات والدستور وهون لسعار واكلع لغرايم ولا اتل اجيه حد ف ش ما مرحب بيه وعدلو همو عجلان.
مولان لا تختر عنا لوزوتو
